كيف تذاكر مع نخبة

   عقلك وقدراتك، مالهم حدود!

قبل لا تبدأ بأي مهمة خلك واثق من نفسك حتى لو أنك راح تبدأ من الصفر. وتذكر دايم أن من المهم ترفع من جودة وكفاءة المذاكرة حتى توصل للنتيجة اللي تبيها بأسرع وقت ممكن؛ أحيانًا تكون المهارات السريعة في المذاكرة تنقذك أكثر من لو أنك بتحفظ المادة عن ظهر غيب!
ولأن عائلة نخبة دايم بجنبك فوفرت لك طرق مهمة لازم تعمل فيها قبل المذاكرة راح نعرضها عليك بالفقرة الجاية.

  ضروري تعرف أن المذاكرة تعتمد على كفتين :


 بمودرو
في أسلوب يسمى “بالبمودورو”
وهو أسلوب يزيد من إنتاجيتك، بحيث أن في كل ٢٥ دقيقة تقضيّها في مهمة وحدة سواء كان عمل، مذاكرة، حفظ، كتابة، تأخذ بعدها ٥ د راحة للتأمل.
وبشرط أن هالخمس دقائق تتجنب فيها الأجهزة الإلكترونية، وبعدها ترجع لـ٢٥ دقيقة أخرى لمن ينتهي وقت عملك، وهكذا..
الفكرة من هذا الأسلوب هو لأن دايم تثبت المعلومات وتتذكرها بداية عملك ونهايته في كل فترة، بنبسطها لك!
على سبيل المثال لمن يكون عندك اختبار نهائي وتذاكرالمادة؛ غالبًا بداية المنهج ونهايته بيكون صعب نسيانهم، لأنها فترة -بداية ونهاية-

كذلك أسلوب بمودورو فيها فترات توقف كل ٢٥ د، لذلك هو شيء جيّد في تثبيت مذاكرتك

تبع مفتاح تركيزك
أحد أهم الأسباب أن الأطفال يتعلمون بسرعة هو أن أدمغتهم عبارة عن أوعية فارغة، ولأنهم “يعرفون أنهم مايعرفون عن شيء” لذلك تلقى فيهم حب التعلم والاستكشاف!
ومن هذا المبدأ نقولك دائمًا أسعى خلف المعلومة واستكشفها لأن عقلك لسه ما أتم كل المواضيع ولا انتهى منها، ومهما ذاكرت لا تيأس أنك ماخلصت، وتذكر أن العلم بحر ماله نهاية!

انس حدودك
الأفكار العقيمة الي تجلد فيها ذاتك، مثل:
“أنا إنسان اطفش بسرعة”، “أنا بطيء بالفهم ” “مخي خمس دقايق ويوقف”، كلها أعذار وهمية تقنع فيها ذاتك عشان تأجل وتماطل، وبوم! تكتشف أن الوقت ضاع عليك وماينفع الندم ..
لذلك خلك واقعي أكثر، اعمل بالأسباب وتوكل على الله

فعّل حواسك
قد سمعت أن ريحة عطر ممكن تسترجع لك المعلومة؟ او نكهة علك بطعم النعناع راح تفيدك في حل مسألة؟ صدق أو لا تصدق! كل هذا صحيح ومثبت علميًا بعد.
أثبتت الأبحاث أن ربطك للمعلومة بموقف معين، أو مشاعر حزن أو فرح، حتى لو ريحة أو نكهة راح تساعدك في تذكر المعلومة.
بالضبط زي لمن تمر على مكان وتحس أنه يذكرك بطفولتك أو ريحة معينة تذكرك بمواقف قديمة.

جهز عقلك
امسك القلم، قسم الفقرات، وأعطي كل جزئية حقها
في الأسئلة، حاول تكتب على كل فقرة سؤال
مثل: ليه نستخدم هذه المادة في هذه التجربة؟ كيف راح نستخدمها؟ متى راح نستخدمها؟
هذا الأسئلة توّجه تركيزك، والأسئلة دائــمــا هي الإجابة!
لمن تسأل نفسك، بتتذكر جوابه فورًا.